Turismoa
Udalerri hau Añanako Kuadrillaren barruan dago eta hiru udalerrik osatzen dute: Armiñon, Estavillo eta Lacorzana.
Armiñonera iristea erraza da, errepide-korapilo batean baitago, Gasteiztik 25 kilometrora eta Miranda de Ebrotik 10 kilometrora.
Armiñon hiribildua Zadorra ibaiaren ertzean dago, eta haren ibaiertzak erakargarriak dira familian landa-paseoak egiteko; zubi erromaniko bikaina da, Donejakue bideko erromesek nahitaez igaro behar dutena. San Andres elizako parrokia-tenpluak, Armiñon plazako arkupeekin, kartzela etxearekin, etxe ibiltariarekin eta Montoya-Urbinatarren jauregiarekin batera, merezi dute kaleetatik lasai paseatzea.
Estavillo hiribilduak, Armiñonekin batera, Arabako ermandade zaharrenetako bat osatu zuen. Estavillo kokaleku estrategikoa izan zen, Zadorra ibaiaren haranera begira dagoen muino baten gainaldean dagoelako; horrez gain, mahatsondoak landatzeko gunea ere izan zen. Gaur egun, oraindik ere ikus daitezke anduiak jartzen ziren terrazak. Tourseko San Martin parrokia-eliza XV. mendeko gotikoa da, erretaula nagusiagatik nabarmentzen da eta ondoan duen XVI. mendeko Concepcion kaperagatik.
Lacorzana herrian daude Hurtado de Mendozatarren dorre-jauregia, errotaren konplexu hidrauliko historiko-artistikoa eta San Martin parrokia-tenpluaren hondakinak.
